Herritarrak kalera bueltatu dira

Sei aste etxean igaro ondoren, kalerako gogotsu zeuden asko; eta lehen aukera baliatu nahi izan dute atari zabalean kilometroak egiteko. Erdigunean eta Hipodromo Etorbidean kirolari andana zebilen lehen ordu tartean (14 eta 70 urte artekoei bideratua): bizikletan, korrika, paseoan, ipar martxako makilekin... 

Lehen eguna izanda, batek baino gehiagok zalantzak zituen mugen inguruan: noraino joan zitekeen, zenbat denboraz... Paseoan etxetik kilometro bat baino gehiago ezin urruntzea ulertzen ez zuenik ere bazen. 

Goizean irten ez direnek arratsaldean dute beste aukera bat.