Antolatzaileek bi bide eman dizkiete herritarrei, konta diezaieten euren inguruko DJak nortzuk diren edo euren burua eskain dezaten: 695 78 53 89 zenbakia (whatsapp bidez komunikatzeko) eta kultura@ttakun.eus helbidea.
Itxialdian ohiko bihurtu da balkoietan musika jarri eta bizilagunekin musika giroa elkarbanatzea. Lasarte-Oriako auzo, kale eta plaza desberdinetan ere giro ederrak sortzen dira egunero. Aurten, urrian, Euskararen X. Maratoia ospatuko dela-eta, antolatzaileek egun horretarako sortu duten Hamar atzamar abestia aireratzeko gonbita luzatu dute. Duela astebete grabatu zuen zortzikoteak, eta maiatzaren 3an herriko balkoi eta leiho guztietan dantzatzeko deia luzatu dute.
