Osagaiak (24 croissant egiteko)
- Irina: 550 gramo.
- Azukrea: 140 gramo.
- Gurina: 130 gramo.
- Bi arraultza: nahasketa egiteko bat, eta croissantak gainetik margotzeko bestea.
- Ur epela: 100 mililitro.
- Esne epela: 100 mililitro.
- Legamia freskoa: 25 gramo.
- Banilla koilarakada bat.
- Gatz apur bat.
- Azukre-hautsa, croissanten gainetik botatzeko.
Jarraitu beharreko urratsak
- Legamia ontzi batean txikitu, eta, ondoren, ur epela, irina eta azukrea gehitu.
- Ongi nahastu guztia, likido eta pinportarik gabe geratu arte. Nahasketa utzi bere horretan, burbuilak ateratzen zaizkion arte. Ontzia tapatu.
- Beste ontzi bat hartu, eta osagai hauek nahastu: irina, azukrea, gatza, arraultza bat, esne epela, bainilla eta gurin urtua.
- Legamiaren ontziko nahasketa azken horri gehitu. Ikusten baduzue orea oso biguna dagoela irin gehiago gehitu diezaiokezue.
- Irin apur bat zabaldu mahai batean, eta orea eskuekin lantzen hasi eta bola egiten hasi.
- Ontzi bat hartu, oliba olio apur batekin igurtzi, eta egindako bola sartu. Bizpahiru orduz utzi bertan, puztu dadin. Ontzi hori sukaldeko plastiko garden zati batekin estali.
- Oreak borobil forma izan dezan, ongi zabaldu mahaian eta bi zatitan moztu. Oreak 0,5 zentimetroko lodiera izan behar du.
- Zabaldu masa, laukizuzen formakoa uzteko, eta triangelu forman mozten hasi.
- Triangeluei ebaki txiki bat egin oinaren erdian; mozketa egin dugun lekutik tolestuko ditugu hirukiak.
- Erretilu batean utzi guztiak, eta ordu erdiz mantendu bertan, trapu batekin estalita, hazi daitezen.
- Labea berotzen jarri, 180 gradutara. Croissantek goitik zein behetik jaso beharko dute beroa.
- Croissantak labera sartu aurretik, beste arrautzarekin ongi igurtzi.
- Hamabost minutuz kozinatu croissantak labean. Ateratakoan, azukre-hautsa bota gainetik, eta listo, jateko prest daude!
ON EGIN!
