07:30. Lasarte-Oriako greba batzordeak egindako deiari erantzunez, hainbat ibilgailu atera dira Hipodromotik, kotxe karabanan, klaxonak joz. Herriko lantoki eta poligonoetara joan dira.
Pikete informatiboak herriko lantegi eta poligonoetara abiatu dira, Hipodromotik. #lasarteoria #ekonomia #U30GrebaOrokorra pic.twitter.com/n8Y9TQhsA6
— Txintxarri (@txintxarrieus) January 30, 2020
08:30. Kalebira abiatu dute pikete informatiboek, herrian zehar. Dendetara eta komertzioetara joan dira, grebari buruz informatzera eta ixteko eskatzera. Batzuek hori egin dute –BM supermerkatuak, kasu–. Bien bitartean, herritar talde batek performance bat egin du, banketxeen jarduna kritikatuz: Kutxa eta Santander parean pertsonen zukua eskaini diete bertatik pasatzen ziren herritarrei. Pentsionistak, gazteak, langileak...zukutu dituzte, eta basoak eskaini gero, "komisio" ugari kobratu eta gero.
Kalebira egiten ari dira hainbat herritar, komertzio eta dendetan zehar. #lasarteoria #ekonomia #U30GrebaOrokorra pic.twitter.com/06dWIKIdiH
— Txintxarri (@txintxarrieus) January 30, 2020
“Pertsonen zukua” edan daiteke Kutxa parean. Ekintza bat egiten ari dira hainbat herritar uneotan. #lasarteoria #ekonomia #U30GrebaOrokorra pic.twitter.com/njnqZt07Ts
— Txintxarri (@txintxarrieus) January 30, 2020
09:01. Pikete informatiboek urtarrilaren 30eko greba orokorrari buruzko informazioa itsatsi dute kale-garbitzaile baten ibilgailuan. Lekukoen eta kazetarien arabera, "oldarkor" atera da langilea bertatik. Ertzainak etorri dira orduan, eta grebalari bat identifikatu. Makina geratu ote duen edo ez, horri buruz eztabaidatu dute minutu batzuez. Polizia gehiago etorri dira gero, armak eskuetan zituztela batzuk, eta kazetari eta argazkilari bana ere identifikatu dituzte. Bien bitartean, honako aldarriak entzuten ziren Hipodromo etorbidean: "Adierazpen askatasuna!", "Gaur greba eguna da!" eta antzekoak.
Kalebira egiten ari diren pertsona batzuk identifikatzen ari da Ertzaintza. #lasarteoria #ekonomia #U30GrebaOrokorra pic.twitter.com/UHSOtsmZ23
— Txintxarri (@txintxarrieus) January 30, 2020
09:30. Buruntzaldea mailako hitzordura deituta zeuden eskualde horretako herritarrak. Jende ugari gerturatu da. LAB sindikatuko ordezkari Elias Miner aritu da hizketan ertzainekin, eta grebalariei mintzatu gero: "Esan dute hiru pertsonak bakarrik sartu ahalko dugula". Urbil parean bildutako pertsonek erabaki dute denak batera joatea merkatalguneratz; poliziek hiru kide utzi dituzte pasatzen, eta indarra erabiltzen hasi dira gero, oldarkor, besteei sarrera eragozteko. Batzuek, hala ere, lortu dute barrura sartzea.
Urbilera sartzen saiatu dira Buruntzaldea mailako hitzordura etorri diren pertsonak. Ertzainak oldartu egin zaizkie. #lasarteoria #ekonomia #U30GrebaOrokorra pic.twitter.com/U83R2zZOVe
— Txintxarri (@txintxarrieus) January 30, 2020
09:45. Michelin lantoki alboko errepidea, itxita.
11:00. Urbilera gerturatutako jendea trenerantz joaten hasi da, edo bizikleta hartzera, Donostiako manifestaziora joateko. Grebalari ugari Urbilen geratu dira, hala ere; Eroski gasolindegira joan dira batzuk, ibilgailuei bertan sartu eta erregaia kontsumitzea eragoztera. Liskarrak izan dituzte ertzainekin bertan ere.