Georgia, Errumania, Errusia, Portugal, Belgika eta Espainia ariko dira nor baino nor gehiago Sei Nazioak B Txapelketan. Asteburu honetan hasiko dira lehiatzen sei parte-hartzaileak: Georgiak eta Errumaniak jokatuko dute lehen norgehiagoka, Tbilisin (Georgia). Martxo erdialdera arte iraungo du txapelketak.
Jon Ibisate Alday herritar gazteak marrazain lanak egingo ditu Sei Nazioak B Txapelketan, Iñigo Atorrasagatik zuzenduko duen hiruko taldean. Errusia eta Portugalen arteko neurketan ariko dira, otsailaren 22an, larunbatez, Kaliningraden (Errusia).
