Yoga eta akroyoga klaseak eskaintzen ditu Miren Bardaji herritarrak Lesbos irlako One Happy Family komunitatean. Uharte horretako kanpalekuetan bizi diren errefuxiatu ugarik parte hartzen dute bertan antolatzen diren ekintzetan; kirolarekin zerikusia dute horietako askok. Hemendik aurrera, urdin-beltz koloredun kamisetekin ariko dira, Ostadar SKTk materiala bidali baitu bertara.