Etxetik 808 kilometrora preso zegoen Aitzol Iriondo herritarra, 2007an atxilotu zutenetik. Hamahiru urteko kartzela zigorra betetzen ari da. Etxeratek jakinarazi duenez, Lannemezango espetxera lekualdatu dute, Lasarte-Oriatik 200 bat kilometrora. Ibon Fernandez Iradi ere presondegi horretan dago, gaixo.
Frantziako Gobernuak gerturatu duen bigarren presoa da; maiatzean Mikel Karrera lekualdatu zuten.
Lasarte-Oriako beste presoa, Xabi Gallaga, Kordoban dago espetxeratuta, 810 kilometrora.