Beste hainbatetan bezala, Aitzol Iriondoren lagun talde bat hura bisitatzera zihoan ostiralean. 21:30ak aldera susto ikaragarria hartu zuten: auto istripua izan zuten, Moulins-Yzeuren espetxera iristeko 80 bat kilometroren faltan. Autoak izan ditu kalte material handienak, eta inor ez da zauritu. Orein bat atera zen errepidera, eta horrek eragin zuen ezbeharra.
Espainiar Estatuaren dispertsio politika "ankerra" izan da istripuaren eragile, hainbatek salatu dutenez. Atzo iluntzean kontzentrazioa egin zuten Zabaletako Jaietan, bertso saioa bukatu eta berehala.