Udal Musika Eskolako lagunek Santa Zezilia eguneko ospakizunak aurreratuko dituzte hilaren 18ra, eta Okendo plazan elkartuko dira emanaldia egiteko.
30 urte bete dituela ospatzeko, Ttakun Kultur Elkarteak Sorgin Dantza antolatu du azaroaren 20rako. Saioa prestatze aldera, entseatzera deitu ditu herritarrak.
Bizikidetzarako memoria para convivir erakusketa antolatu du Lasarte-Oriako Bizikidetza Foroak. Azaroaren 2an irekiko ditu ateak, asteartearekin. Euskal Herriko eta Lasarte-Oriako indarkeriaren historia biltzen du, eta hilabete osoan zehar ikusgai egongo da. Ekimenaren xedeak ugariak dira: herriko biktimak "bere pluraltasunean" aintzat hartzea, terrorismoaren eta indarkeriaren ondorio sozial eta pertsonal larriak ezagutaraztea eta onartzea, eragindako kaltearen aitorpenean oinarritutako memoria kolektiboa eraikitzea, eta herritarrek konpromisoa hartzea giza eskubideen urraketen aurrean. *Larunbatetan 11:00etatik 13:30era irekiko dute.
Karpa informatiboa jarriko du Lasarte-Oriako Udalak, Guztion kontua da! kanpainari buruzko informazioa emateko eta produktuak banatzeko.