16 urtez azpiko Euskadiko zortzi talderik onenak batu ziren hilaren 14an, Durangon: Atletico Getxo, Atletico San Sebastian, Bidezabal Durango, CA Barakaldo, CA Sendoa, Real Sociedad, Super Amara BAT eta Tolosa CF. Eta horietako batean, Realean, Alaia Romero herritarra izan zen lehian.
Talde txuri-urdinak eraman zuen garaikurra 69 puntu lortuz eta Lasarte-Oriako gazteak bere harritxoa jarri zuen; bi probetan parte hartu zuen (100 m. lasterketa eta 4x300 erreleboa) eta bietan garaile izan zen. 100 metroko proban bere marka onenetik sei ehunekoetara zen herritarra, 12,66. Erreleboan, aldiz, Aixa Carrera, Isabel Irastorza eta Maddi Zubeldia taldekideekin batera, 02.57,76 marka lortu zuen klubaren markarik onena onduz.
Txapelaz gain, datorren urteko txapelketarako sailkapen zuzena ere eskuratu du taldeak.