Aurkezpen agerraldian Leire Lopez de Ziluaga editoreak azaldu zuenez, "egia eta gezurra kategoriak zalantzan jartzeko asmoa" du Usandizagak idatzitako liburuak. Herritarrak berak ahots goran irakurri zuen pasarteak berresten du hori: "Bat. Biok baldin badakigu. Bi. Bioi, jakinda ere, berdin bazaigu. Hiru. Jakitun eta ezaxola, bistakoa bada nola jokatu. Lau. Biok jakitun, ezaxola eta eroso, korapilori gabe etxeratzen bagara. Bost. Eroso eta korapilorik gabe etxeratu eta sekula berriro honetaz hitz egiten ez badugu, esadazu gezurra".
Hainbat hari, eta "obsesio" nagusi bat: begirada. "Begirada non, noiz eta nola kokatzen dugun, aldatu egingo da ezinbestean ikusten duguna. Baina hautatu ote liteke aldiro nondik eta nola begiratu?", galdetu zuen egileak, aurkezpen ekitaldian.
Ver esta publicación en Instagram