Denentzako bizigarria izango den herria eraikitzeaz ariko dira bihar

Txintxarri Aldizkaria

Hilabete honetako hitzaldi-tertulia aurrera eramango dute Borobilean Elkarteko kideek bihar arratsaldean, hilak 18, 19:00etatik aurrera Oriarte Landaberri institutuan. 'Bazterkeriatik gizarte inklusiora. Egungo gakoak eta erronkak' izenburupean, bazterkeria egoeran dauden pertsonen errealitateaz eta pertsona guztientzat bizitzeko modukoa izango den Euskal Herria eraikitzeaz solastuko dira. 

Galdera horiei eta gehiagori erantzun asmoz, Felix Arrieta (Politologoa eta Deusto unibertsitateko irakaslea), Jose Barreiro (Gizarte Langilea eta gizarte ekintza testuinguruetako gainbegiratzailea) eta Malak Lazaar (Gizarte Langilea eta BIZI-Lagunak elkarteko lehendakaria) gonbidatuko ditu Borobilean Elkarteak. Zarautz Oinarrian proiektuaren koordinatzaile Oihan Agirretxe izango da aurkezlea.

Euskaraz aurrera eramango dute hitzaldi-tertulia. Gaztelaniara berehalako itzulpen zerbitzua emango dute hala eskatzen dutenentzat.