Hilaren 20an jakingo da zeintzuk lan diren sarituak; egun horretan izendatuko dituzte garaileak. baita sariak banatu ere. Ikusi beharko da zer gertatzen den, baina, bien bitartean, finalista izendapena nola jaso duten kontatu diote TXINTXARRI-ri egileek. "Ilusio handia" egin diela aitortu dute, baita berria "sorpresaz" hartu dutela ere. Garaile izan edo ez, honaino, hots, finalista izatera heldu izana "sekulakoa" da bikoarentzat, areago Mendiorozentzat, izan ere, bera, andoaindarra baita.
Umiltasunez adierazi dute hautagaitza "ondo egindako lanaren erakusle" dela, eta lanak orain arte egin duen bidea "zoragarria" izan dela aipatzearekin batera, hemendik aurrera ere bidea egiten jarrai dezala desio dute sortzaileek.