Herritarraren lehen parte hartzea zen Madrilgo lasterketan eta neurria hartu gabe zihoala onartu du. Hala ere, Talex M4arekin saioz saio marka ontzen joan zela argitu eta azken emaitza (02.23,752) ontzat eman du: "Lasterketa berria zen guretzat. Pixkanaka entrenamenduetan eta igoeretan erritmoa hartzen joan ginen eta oso ondo amaitu genuen".
Azken igoerako denborari esker, sailkapen orokorrean bigarren postuan amaitu zuen proba; Gabriel Gutierrez asturiarrak eraman zuen garaipena 12. kategoriako Tattus FR 2.0-arekin (02.19,035). 10. kategorian, aldiz, garaile izan zen lasarteoriatarra.
"Bagenekien zaila izango zela Gabriel Gutierrez garaitzea. Baina pozarren gaude; lau segundora geratu bakarrik geratu gara-eta", azaldu du Mansok.
Eta dagoeneko buruan du, denboraldiari amaiera emango dion El Vellon igoera (Madril): "Urteko azken proba prestatzen ari gara eta ea zer moduz doan". Hitzordua azaroaren 14an izango da.
