Herriko prestatzaile eta tabernek, saria Hipodromoko azken saioan

Txintxarri Aldizkaria
Deskargatu Info Ahotsak :
Español English Français Català Galego

Genesis taberna Sarian lehia estua izan zen. Arg.: Dabid Argindar.

Hipodromoko Udako denboraldia amaitu da. Irailaren 30ean, goizean, zaletu multzo bat, horietako asko lasarteoriatarrak, bildu zen sasoiko azken saioan azken bost probetaz gozatzera; Lasarte-Oriako Arkupe eta Genesis tabernek babestutako lasterketak lehiatu ziren, besteak beste

Horien artean, Genesis taberna saria izan zen eguneko hitzordu garrantzitsua. Vaclav Janacekek gidatutako Grand Son Of Calyx izan zen garailea. Azken zuzengunean taldea zabaldu eta lehia bizia egon zen helmugako azken 100 metroetara arte.

Laugarren lasterketan, Andoaingo Ondarreta Taberna Sarian, herriko Miguel Alonso Roldan eta Angel Imaz prestatzaileen zaldiek eman zuten zer esana. Lehenak entrenatutako Botikik garaipena erdietsi zuen Janacekek zuzenduta eta azken metroetan, Quien Sabe/Fayos bikoarekin borroka estua izan ostean. Imazen Tony Montana ere fin jardun zen Sikorova jockeyak muntatuta eta hirugarren postua eskuratu zuen.

Ondarreta taberna eskuratu zuen 'Botiki' zaldia, jockey, jabe eta Miguel Alonso Roldan prestatzailearekin (eskuin). Arg.: Dabid Argindar.

IRAILAREN 30EKO IRABAZLEAK

  • Hipodromoko tabernak Saria Sweet Wish/D. Rodriguez.
  • Joxe Mari taberna Saria  Ring of Diamonds/D. Sikorova.
  • Arkupe taberna Saria Dapango/R. Sousa.
  • Ondarreta taberna Saria Botiki/V. Janacek.
  • Genesis taberna Saria Grand Son of Calyx/V. Janacek

Kirola