Okendo plazatik abiatuta, Lasarte-Oria
Lasarte-Oria Palestinarekin herri ekimeneko kideek mobilizazioa antolatu dute hilaren 7rako, asteazkenarekin; Okendo plazatik abiatuko dira, 19:00etan. "Palestinaren aurkako kolonizazioa eta genozidioa ez ziren 2023ko urriaren 7an hasi, eta oraindik jarraitzen du. Askatasuna amets, egunero borrokatzen jarraitzeagatik, palestinar herriaren aurkako zapalkuntzak eta sarraskiek ez dute mugarik", azaldu dute.
Sarraski horren hirugarren urteurren "latza" beteko den egunean "elkartasunik beroena" adierazteko deia egin dute, mobilizazioa "askatasun haize" bilaka dadin.