Hilaren 13ko asteburuan Intza KEko kideek Kluben arteko binakako Gipuzkoako txapelketari ekingo diote.
Bost ordezkari izango ditu herriko taldeak bi modalitatetan. Eskuz, nagusien eta Jubenil II. mailan eta kadete mailako 1. eta 3. mailan izango dira lehian; gomazko palan, aldiz, nagusien 3. kategorian.
Hauek izango dira lehiak:
Ostirala 11Gomazko pala, Binaka, Añorga - Intza 18.00. 1. partida. Añorga, Donostian. Eskuz, Binaka, Kadete 1. maila Intza - Ilunpe 20.10. 1. partida. Loidibarren pil. |
Larunbata 12Eskuz, Binaka, Nagusien 2. Maila Intza - Oiarpe 10.00. 1. partida. Michelin pil. Eskuz, Binaka, Kadete 3. Maila Intza - Oiarpe 2 10.00. 2. partida. Michelin pil. |
Igandea 13Eskuz, binaka, Jubenil 2. maila Ilunpe - Intza 11.00. 2. partida. Azpeitian. |
Bestalde, taldeko arduradunek jakitera eman dute, Itxaso Iparragirre herritarra aurten Behar Zana taldearekin lehiatuko dela.
Lehiaketaz lehiaketa
Aipatu moduan, eskuzko modalitateko ordezkariek hainbat lehiaketetan parte hartu dute azken asteetan eta emaitza onak lortu dituzte.
Hilaren 4tik 6ra, Teruelen (Aragoi) jokatu zen Trinketeko III. Nazioarteko Topaketan parte hartu zuen Intzako Jon Pello Artetxek.
Nazioarteko 30 bikote izan ziren nor baino nor, hala nola, Bolivia, Maroko edo Irlandako ordezkariak.
Sailkapen fasearen ostean, herritarra eta Behar Zanako Lizaso 3. postuko partidarako sailkatu ziren eta Iparraldeko Pacheco-Zozaya irabazita, podiumeko hirugarren mailara igo ziren.
Donostiako Euskal Jaietan, aldiz, Peru Urdanpilleta Hernaniko Iturberekin batera finala jokatuko du gaur, Trinitate plazan.
Bi kategoriatan izan dira borrokan klubeko kideak hilaren 7an eta 8an lehiatutako kanporaketetan: nagusien mailan, aipatu Urdanpilleta-Iturbe bikoa eta Haritza Diaz de Gereñu-Huegun (Alde zaharra) eta kadete mailan, Arkaitz Lasa-Markel Lopez.