Hilaren 6an, Kontxako banderako lehen jardunaldia jokatuko da. Zortzi ontzi izango dira lehian. Horien artean, Aiora Belartieta eta Enara Arruti herritarren eskifaiak.
Sailkapen proba jokatu zen atzo Kontxako badian. Hemeretzi talde jokoan zeuden zazpi plazarengatik borrokatu ziren erlojupeko modura. Minuturo bat atera zen eta Enara Arruti kide duen Donostiarra Nortindal bigarrena izan zen arraunean. Hibaika Jamones Ancin eskifaia izan zuten aurretik eta Errenteriako taldearen denborak izan zituzten erreferentzia modura. Helmugan 11.04,90 egin eta zain egotea besterik ez zuen izan Arrutiren Bantxa-k.
Euren multzoko San Juan CMO Valves, Astillero Eneryt Servicios, Tolosaldea AK, Orio Orialki eta Hibaika Jamones Ancin euren marka gainditu arren, gainerakoek ezin izan zuten eta Nortindal Donostiarrak sailkapena esluratu zuen seigarren denbora onenarekin. Aipatu taldeez gain, Zarautz Gesalaga Okelan ere izango da lehian. Ikus beheko koadroko denborak.
Hilaren 6ko txanden zozketa ere atzo egin zenez, Donostia Arraun Lagunak-ek eta Aiora Belartieta herritarrak badakite euren aurkariak zeintzuk izango diren eta ez da Lasarte-Oriako kirolarien lehia zuzena izango. Lehen txandan Tolosaldea AK, Hibaika Jamones Ancin, Donostiarra Nortindal eta Zarautz Gesalaga Okelan izango dira; bigarren txandan, aldiz, Astillero, Donostia Arraun Lagunak, San Juan CMOS Valves eta Orio Orialki.
Sailkapena:
| Postua / Taldea | Denbora |
| 1 SAN JUAN CMO VALVES | 10.57,06 |
| 2 ASTILLERO ENERYT SERVICIOS | 11.00,88 |
| 3 TOLOSALDEA AK | 11.00,92 |
| 4 ORIO ORIALKI | 11.01,02 |
| 5 HIBAIKA JAMONES ANCIN | 11.02,46 |
| 6 DONOSTIARRA NORTINDAL | 11.04,90 |
| 7 ZARAUTZ GESALAGA OKELAN | 11.06,66 |
| 8 HONDARRIBIA BERTAKO IGOGAILUAK | 11.11,22 |
| 9 RED ELECTRICA KAIKU | 11.21,64 |
| 10 CR SALGADO PERILLO | 11.21,76 |
| 11 SD TIRAN PEREIRA | 11.22,18 |
| 12 ZUMAIA DELTECO | 11.23,28 |
| 13 ONDARROA CIKAUTXO | 11:29.08 |
| 14 ISUNTZA ELECNOR CIKAUTXO | 11:29.34 |
| 15 CR CHAPELA WOFCO | 11:37.80 |
| 16 AMEGROVE CR | 11:49.10 |
| 17 DEUSTO TECUNI BILBAO | 12.00,46 |
| 18 AD ESTEIRANA | 12.22,70 |
| 19 CM CASTROPOL | 12.29,10 |