Gune horietan izapide hauek egin ditzakete herritarrek, besteak beste: erroldako ziurtagiri eta dokumentu ofizialak lortzea eta inprimatzea; erregistro elektronikoak identifikazio digitaleko sistemen bidez aurkeztea (BakQ edota NAN elektronikoa, kasurako); ordainagiriak eta isunen jakinarazpenak kontsultatzea eta inprimatzea; udal ordainagiriak ordaintzea; eta ikuskizunetarako sarrerak erostea.
Herritarren Partaidetzako zinegotzi Nagore Duranek nabarmendu duenez, udal ordezkariek nahi dute erakundearekin egin beharreko tramiteen prozesua "gero eta errazagoa" izatea: "Administrazioak pertsonen errealitatera, ordutegietara eta beharretara egokitu behar du aukera gehiago eskainita, baina aurrez aurreko arretari uko egin gabe".