Gogotsu ekin diote egun handiari

Ospakizun berezia izan ohi da Santa Ana eta San Joakin eguna, Lasarte-Orian. Musikak, kulturak eta giro ederrak zipriztindutako hitzordu kuttuna. Ohiko legez, Felix Garitano kapilauak zuzendutako elizkizunarekin hasi dute eguna. Dozenaka herritar bildu dira, Ama Brigitarren Komentuan. Eguerdiarekin batera, San Pedro Parrokiako arkupetara abiatu da herritar kuadrilla Ttakun Kultur Elkarteak preparatutako hamaiketakoaz gozatzera. Era berean, dantza emanaldia eskaini du Erketz EKT dantzari eta musikari taldeak, Santa Ana karkaban. Goizeko txandarekin txukun amaituta, jarduera gehiago antolatu dituzte Lasarte-Oriako Udalak eta Ttakun KEk arratsalderako.