Santiago Aviles galiziarrak (34.58) eta Claudia Giralt (36.54) katalanak izan ziren probako garaileak. Herritarren artean, aldiz, Josega Egia (38.56) eta Buruntzaldea IKTko June Lopez (46.42) izan ziren azkarrenak.
Ez da igerialdi hau herritarrek egiten duten lehena. Ekainean hasi zen itsasoko proben denboraldia eta hainbat lehiatan izan dira Lasarte-Oriako kirolariak borrokan.
Ekainaren 27an, Mutriku eta Deba arteko Flysh Beltzean igeri egin zuen arestian aipatu Egiak. Lehen postuetan izan zen herritarra; 39.25 markarekin sailkapen orokorreko zazpigarren eta master mailako bigarren izan zen.
Hilaren 11n, Zumaiako Itzurun Arranpla probako 3.000 metroko zein 1.500 metroko saioetan izan ziren herritarrak. Lehenean Aitor Iurramendik 57.01 egin zuen eta bigarrenean, Aiora Escuderok, 22.24.
Egun bat geroago, Iurramendik 24.46 behar izan zituen Ondarruko itsas zeharkaldiko (Bizkaia) 1.600 metroak egiteko.