'Semaforo Domatzailea' album ilustratua argitaratu du Aintzane Usandizaga Lopezek

"Zer edo zer ez dabil zuzen Xirriparten... Oso oker dabil, hobeto esanda, batez ere herriko helduei begiratuz gero. Sara, egoeraz jabeturik, oharrak hartzen hasiko da eta konturatuko da herriko semaforoek badutela zerikusirik helduen portaera bitxiarekin. Semaforoak zeharo aldrebesturik dabiltza eta zerbait egin beharra dago!". Hori da Aintzane Usandizaga Lopez idazle lasarteoriatarrak ondutako 'Semaforo Domatzailea' album ilustratuaren sinopsi deigarriaren aurreneko zatia. Lerro horiek irakurrita norbaiti liburua hartzeko gogorik piztu ez bazaio, segi dezala leitzen: "Hala bada, Sarak Semaforo Domatzailearen bisita jasoko du, eta egoera leehngoratzeko planari ekingo diote elkarrekin".