"Eraikinaren barruan zeuden pertsonak beren borondatez atera dira instalazioetatik. Gehienek atzo egin zuten, eta oraindik eraikinean zeuden lau pertsonek gaur goizean egin dute, indarrezko jardunik behar izan gabe", azaldu dute. "Eraikina husteko antolatutako dispositiboan Ertzaintzak eta Udaltzaingoak parte hartu dute, baita udaleko Gizarte Zerbitzuetako teknikariek ere. Azken horiek bertan egon dira, hala eskatuz gero, pertsona horiei arreta eta gizarte laguntzako baliabideak eskaintzeko".
Jarduera horrekin, udal ordezkariek jakinarazi dute amaitutzat eman dutela prozesua, "egitura eta osasungarritasun arazoak dituen eraikin batean sortutako egoera dela-eta". Horren ondorioz, "pertsonen segurtasuna bermatzeko beharrezkoak diren neurriak" hartu dituztela zehaztu dute.
Operazio horren garapenean parte hartu duten alde guztien "laguntza eta jarrera" eskertu dituzte, "egoera istilurik gabe konpontzea ahalbidetu baitute".