Hilaren 4an eta 5ean, 18 urtez azpiko Espainiako txapelketa lehiatu zen Castellón (Valentziako Erkidegoa). Talde-urdin beltzeko Eider Redondok heptatloi proba lehiatu zuen eta proba ezberdinei egin zien aurre bi egunetan: 100 m. hesi, 200 m. eta 800 m. lasterketak, altuera jauzia, luzera jauzia, pisu jaurtiketa eta xabalina jaurtiketa.
Proba batzuetan lehen postuetan izan zen herritarra eta altuera jauziko (1,59 m.) zein 200 m. (26,23) lasterketako markak ondu zituen.
Guztira 4.530 puntu batu eta bere marka pertsonala hobetu zuen; seigarren amaitu zuen lehia.
Ordiziako Meeting-a
Ordizian ere izan zen lehia, hilaren 4an, X. Ordizia Meeting- Jose Antonio peña oroimenezkoa. Ostadar SKTko Iraia Alkortak, Atletico San Sebastian taldeko Nerea Eugik eta Diputacion Valencia CA kide Naroa Furundarenak parte hartu zuten lehiaketan.
100 m. lasterketako finalean bi herritar izan ziren: Alkorta eta Eugi. Finalerdietan, Donostiako taldeko kideak bere marka ondu zuen, 12,17 eginez; urdin-beltzak, aldiz, bere denboraldiko marka berdindu zuen (12,34). Finalean, Alkorta laugarren sailkatu zen eta Eugi ,aldiz, bosgarren izan zen.
Furundarenak luzera jauziko proba lehiatu zuen eta denboraldiko marka hobetuz (5,58 m.) laugarren postua eskuratu zuen.