Zuzengunean lehia handiak ikusi ahal izan ziren. Laugarren sarian, esate baterako, sudur batengatik eraman zuen garaipena Half Moon Rising eta Juan Cruz Diestra bikoak; Beria-Alejandro Gutierrez Val eta Something-Jose Gomez aurkariek ez zioten erraz jarri.
Eta ezustekoa eman zuten ere Mr Alan eta Pablo Labordek Fegentri Munduko txapelketa sarian. Faboritoei gailendu zitzaien bikoa; Bugatiko bihurgunean buru jarri eta distantzia hartuta iritsi ziren helmugara.
Jardunaldiko erabazleak honakoak izan ziren:
- Al Wukar- Valmodomus eta La Faisanera zalditegiak saria Narcea/A. Gutierrez Val
- Fegentri Munduko txapelketa Mr Alan/P. Laborde
- Belle Epoque (1916) - Kresala saria Liberty Bleu/V. Alonso
- Haras de Lujan - Jose Luis Cano saria Half Moon Rising/J.C. Diestra
- Donostia San Sebastian Turismo saria Katalina/A. Ramirez
Bestalde, Kresala elkarteko kideek Belle Epoque garaia ekarri zuten gogora euren jantziekin.
Hurrengo jardunaldia, hilaren 12an izango da 17:30etik aurrera eta besteak beste, Aterpea edo Donostia sustapena sariak lehiatuko dituzte zaldi, behor eta jockeyek.