Lasarte-Oriako V. Familia Ibilaldia hilaren 21ean egingo da. Buruntza mendira igotzeko gonbita egin du aurten LOTME elkarteak eta udalaren laguntza izan du, Tratu On Bat markaren bidez.
Martxa 09:00etarako aurreikusita dago eta izaera ludikoa duenez, ingurune naturalaz presarik gabe gozatzeko pentsatuta dago Buruntza mendiko tontorra igaroko duen ibilbide zirkularra (12,5 kilometro).
Buruntzara bidean Azkorteko baselizan hornidura puntua izango da eta indarrak berritzeko jan eta edana izango dute kirolariek. Mercero plazara itzultzean, hamaiketako txiki batez gozatzeko aukera ere izango dute. Antolatzaileek gogorarazi dute, horretarako korntrol txartela Buruntza mendiko gunean zigilatua egon behar duela.
Horrez gain, parte hartzera animatzen direnen artean opariak zozkatuko dira.
Izen ematea eta txartelak
Martxaz gozatu nahi duten herritarrek elkartearen web orrialdean egin dezakete izen ematea.
Ibilaldiko parte hartzaileek txartel bat izango dute kontrol modura. Horiek 08:00etatik 09:00etara banatuko dira, Antonio Mercero gunearen ondoan; antolatzaileen mahaian jaso aurretik, ikusgarri egongo diren zerrendak begiratzea gomendatzen dute antolatzaileek.
Gomendioak
Horrez gain, eguraldi iragarpenaren arabera, igandean tenperatura altuak izango direnez, bero-kolpeak saihesteko eta egunaz segurtasunez gozatzeko neurri erabilgarri batzuk gogorarazi ditu elkarteak:
