ELAko kideek azpimarratu dute udal gobernuaren jarrerak "langileen lan baldintzak kaskartu" egin dituela. "Dinamika hori ez da berria baina areagotu egin da azken hilabeteetan: Langileen ordezkaritzak mahai gainean jarritako aldarrikapenei bizkar emateaz gain, udal gobernuak berriki erabaki du, aldebakartasunez, du Udalhitz berritzeko negoziaketa prozesura ez atxikitzea", azaldu dute.
Beharginek nabarmendu dute egoera horrek zuzenean eragiten diola herritarrei ematen dioten zerbitzuaren kalitatean. Halaber, udal gobernuko kideei eskatu diete jarrera aldatu eta lan baldintzak hobetzeko borondatea erakustea. Hori egin ezean, hilabete honetako hurrengo asteazkenetan mobilizatzen jarraituko dutela jakinarazi dute; ekintza horietan parte hartzera deitu dituzte udaletxeko behargin guztiak.