Goizean, gazteenek Euskadiko Kirol Jokoei egin zieten aurre. Ostadar SKTko Nahia Garcia (jauzi hirukoitza) eta Amelie Flores (80 m. hesi lasterketa) zein Real Sociedad taldeko Alaia Romero (150 m. lasterketa eta 4x80 m. erreleboa) Gipuzkoako Selekzioarekin izan ziren lehian eta hirurak euren probetako podiumetara igo ziren.
Arratsaldean, aldiz, 20, 18 eta 16 urtez azpiko zein master mailako Gipuzkoako txapelketako azken jardunaldia lehiatu zen, Arrasaten.
Jauzi hirukoitzeko zein 3.000 lasterketako probetan parte hartu zuten Ostadar SKTko kideek eta Mari Carmen Olaso herritarrak eta lehen postuetan izan ziren.
Emaitzak honakoak izan ziren:
|
Euskadiko Euskal Jokoak
|
Gipuzkoa txapelketa
|
Espainiako txapelketara
Horrez gain, Ostadar SKTko arduradunek jakinarazi dutenez, taldeko Amelie Flores eta Eider Redondo kideek euren kategoriako Espainiako txapelketetan parte hartzeko markak dituzte. Ekainean eta uztailean izango dituzte hitzorduak.
Floresek 16 urtez azpiko 80 metro hesiko gutxienekoa du eta Redondok 18 urtez azpiko proba konbinatuetako lehiaketan egiteko txartela eskuratu zuen hilaren 23an, Barbastron (Huesca, Aragoi) bere marka pertsonala onduz (4.522 puntu).