Banakako lehiatan Julen San Miguelek kantxa osora eta Iker Artetxek 7ra artekoan izan ziren lehian, baina tolosarrak nagusi izan ziren. Binakakoan irabazi zuten puntua Ander Loidi eta Iban Arruti herritarrek.
Emaitzak honakoak izan ziren:
- Banaka, kantxa osora: Lasarte-Oria 14 - 20 Tolosa
- Binakakoa: Lasarte-Oria 20 - 14 Tolosa
- Banaka, 7ra: Lasarte-Oria 5 - 20 Tolosa
Ondorioz, Lasarte-Oriak ez du Herriartekoan aurrera egingo.
Hurrego faserako sailkatu
Bestalde, Intza kirol elkarteko pilotariek Lau eta erdiko txapelketako zein Udaberriko binakako lehiketako azken jardunaldia jokatu zuten. Denetariko emaitzak izan zituzten:
* Aurkaria ez zen agertu |
|
Federatuen Lau eta erdikoan talde bakoitzeko lehen bi sailkatuek egingo dute aurrera txapelketan eta Lasarte-Oriako kirol elkartearen kasuan, kadete 2. eta 3. mailako lehiatan izango ditu ordezkariak, lehenean Oier Elola eta Kimetz Atorrasagasti eta bigarrenean Ekhi Maiz.
Elolak final hamaseireneko partida jokatuko du hilaren 29an; Añorgako Mintegi izango du aurkari. Atorrasagastik eta Maizek, ordea, atseden izango dute eta ekaineko lehen asteburuan egingo diote aurre kanporaketari.
Errendimendu mailako gaztetxoei dagokionez, Infantil I. mailako bikoteak bakarrik egingo du aurrera eta aste honeta atseden izango du.