Osasun Publikoaren Aldeko Herri Plataformak elkarretaratzea aurrera eramango du astelehenean, Donostiako Andia kalean, 11:30ean. Donostialdeko Erakunde Sanitario Integratuaren (ESI) Etengabeko Arreta Guneen egungo kondizio txarra deitoratuko dute. Ekintza horrekin bat egin du gure herriko eragileak, LOOPAk; herritarrak animatu ditu bertaratzera. "Ez dugu onartuko osasungintzaren narriadura planifikatua", gehitu dute.