Hori iragartzeko ekitaldia hilaren 27an egingo dute, asteazkenez, Jalgi kafe antzokian, 19:00etatik aurrera. Zortzikoteko kideen berri emateaz gain, euskararen erabilera sustatzea eta komunitatea elkartzea xede dituen ekitaldiaren leloa eta logotipoa aurkeztuko dituzte. Antolatzaileek herritar guztiak (norbanakoak nahiz eragileak) gonbidatu dituzte aurkezpen ekitaldi horretara eta aurreratu dute ostean luntxa izango dutela, Euskararen Maratoiaren bueltako berri horiek ezagutzeak sorraraziko dien zirrarari buelta emateko eta elkarrekin dantzatzeko indarrak hartzeko.
Horren aurretik, udazkeneko bi ekimen nagusiak (Maratoia bera eta Euskal Jaia, irailaren 26an egingo dutena) prestatzeko bilerara deitu dituzte herriko elkarteetako kideak. 18:00etan bilduko dira Ttakunenean.
