Eskola kirola, Ttakunek, Guraso Elkarteekin eta Udalarekin elkarlanean garatzen duen herriko proiektua da eta aurten 2026-2027 ikasturteari begira, izena ematea sustatu eta haurrek programa zertan datzan ezagutzeko jardunaldi hau antolatu dute.
|
Jolasak egingo dira, kirol ezberdinak probatuko dituzte eta begiraleak ere ezagutzeko aukera izango dute. Amaitzean, parte hartzaile guztiek hamaiketakoaz gozatuko dute. Topaketan parte hartzeko esteka honetan (https://forms.gle/zbeAAJkARq52YbHV8) edo ondoko QRa eskaneatuz izena eman behar da. Inskripzioa hilaren 25ean irekiko da, goizeko 9:00etan. |
 |
Berrikuntzak
Hurrengo ikasturtetik aurrera Eskola Kirola egitasmoa aldaketa batzuk izango dituela jakitera eman dute antolatzaileek, hala nola, kuoten bateratzea. Aurrebejaminek (LH1 eta LH2) 30 euroko kuota izango dute. Benjaminek (LH3 eta LH 4) eta alebinek (LH5 eta LH6), aldiz, 60 eurokoa. Gainera, 2025-2026 ikasturtean hezkuntzako beka jaso duten haurrek, 2026-2027 ikasturtean eskola kirolean 0 euroko kuota izango dute.