"Eskolaren eta herriaren arteko lotura ospatzeko topagune handi bat" izango da hilaren 30eko festa, antolatzaileen esanetan. Programa osoaren berri datozen egunetan emango badute ere, aurreratu dute zerbait: adin tarte guztietarako jarduerak, musika eta bazkaria.
Lasarte-Oriako 137 ikasle
Zubieta Lanbide Eskolan 480 pertsona ikasten ari dira gaur-gaurkoz eta horietatik 137 lasarteoriatarrak dira, zentro horretako arduradunek jakinarazi dutenez. "Horrek erakusten du eskolak lotura estua izan duela udalerriarekin eta antolatzaileek ilusio berezia dute bertakoekin ere partekatzeko".
Bestalde, jakinarazi dute bazkarirako txartelak salgai daudela eta 25a izango dela erosteko azken eguna, astelehena. Lanbide eskolan bertan edota Alamandegi (Zubieta) zein Bordatxo (Usurbil) tabernetan eros ditzakete joan nahi dutenek.