Txapartegiri buruz, adierazi dute "pasioak eta oztopoak gainditzeak" ehundu dutela bere bizitza. "Itsu izatea, muga beharrean, ikuspegi berezia garatzeko bidea eman dio". Beraren irakasle eta gidari izan da Esther Barandiaran. "Bien arteko lankidetzan, aitortzan eta pazientzian jositako burbuila ederra sortu dute".
Bide emankor horretan ezagututako artistetako bat da Iñaki Salvador: "Aukera izan du Jakesen eta Estherren lankidetza hurbiletik bizitzeko eta erronkara batu da: kontzertu partekatu baten bidez oholtzara eramatea sormenaren eta adierazpen artistikoaren pasioa".
Danok Kidekoek jakinarazi dute doakoa izango dela emanaldia baina bertaratzeko asmoa dutenek gonbidapenak eskuratu beharko dituztela kultur etxeko leihatilan.