Soka eta uztaiarekin egin zuen lan herritarrak eta hirugarren eta bigarren postuetan sailkatu zen, hurrenez hurren. Sailkapen orokorrean bigarren izan zen.
Dominez gain, Jimenezek Euskadiko Eskolarteko txapelketarako txartela ere eskuratu zuen; hitzordua hilaren 23an izango da Eskoriatzan.
Oihane Portuburu eta Laia Suberbiola bikoteak ere parte hartu zuen. Portuburuk bosgarren postuan amaitu zuen sokako lehian eta Suberbiolak, seigarrena uztailarekin lanean.
Taldeei dagokionez, LOKE A eta C taldea aritu ziren lehian uztaiarekin. Urduritasunarekin eta tresnarekin hainbat arazo izan zituzten arren, A taldeko ordezkariek bosgarren postua eskuratu zuten; Cko kideak hamabigarren izan ziren.
Emaitzak alde batera utzita, LOKEko arduradunak pozarren daude gazteek ikasturtean zehar izandako garapena eta jarrerarengatik: "Aurten kode aldaketa izan dugu. Ikasturtean zehar, gimnastek gorputzaren zein tresnen erabileran izan duten hobekuntza eta garapena ikusi dugu eta lan hori azpimarratzekoa da".