Ekuadorretik eta Frantziatik ekarri zituen Zero Settek aurtengo doinuak Marcel Loeffler eta Rodrigo Mosquera musikarien eskutik. Ohi bezala, Ainhoa Aiertzak aurkeztu zuen 23. Akordeoi Jaialdia.
Emanaldiarekin hasteko, hainbat pieza jo zituzten Leioako Kontserbatorioko zazpi interprete gazteek: Uxue Rama Mulero, Nahikari Campos Marcos, Juana Klassen Allende, Lide Ugalde Perez, Nerea Tena Marquez, Iria Blanco Marina eta Sebastian Gomez Sanguinetti. Akordeoia, gitarra klasikoa eta zeharkako flauta. Instrumentu horiez baliaturik, kanta ederrak jo zituzten, binaka zein taldeka.
