"Izen handiko artistak" ariko dira jendaurrean, besteak beste, Green Valley. Horrekin batera, Morodo taldearen izena ere mahaigaineratu dute, baita Matah artistarena ere. Horiez gain, musika emanaldia eskainiko dute baita ere Belen Natali musikariak, baita Eira abeslari donostiarrak ere. Agoteak taldea ere eszenatoki horretan ariko da. Azken talde horretako kide bat, gainera, herritarra dela ere iragarri dute hizlariek.
Kontzertuen aurretik, DJa
Jaialdiari hasiera emateko, eta giroa berotze aldera, DJ emanaldia izango da; hala azaldu dute udal ordezkariek, eta gaineratu, jakiak erosteko postuak (food truck) ere izango direla.
Agerraldia amaitu aurretik alkateak azpimarratu du Andatza Festibala "eredugarria" dela eta gisa horretako ekimenek Lasarte-Oriako kultur eskaintza "indartzen" jarraitzen dutela, kalitatezko "proposamen erakargarriekin". Horrez gain, "herriko bizitza soziala dinamizatzea eta publikoa erakartzea" ere lortzen dutela. Bestalde, Alonsok nabarmendu du, lehenengo edizioaren arrakastaren ostean, helburua dela jaialdia erreferentziazko hitzordu gisa sendotzea".
Agurtzeko, lasarteoriatarrak eta inguruko herrietakoak bertaratzera gonbidatu dituzte. Denek giro onean jaialdiaz gozatzea espero dute.