Hilaren 16an udaberriko denboraldia hasiko da Donostiako Hipodromoan. Aurten hiru jardunaldi izango ditu sasoiak (hilaren 16an, 22an eta 29an) eta guztiak goizez lehiatuko dira.
Lasarte-Oriako Aterpea merkatari, ostalari eta zerbitzuen elkarteak bosgarren urtez Hipodromoarekin lan egingo du eta herriko merkataritza sustatzeko asmoz, denboraldiko hamabost lasterketak babestuko ditu.
Jardunaldiak eta lasterketak, honakoak dira:
| Apirilaren 16a, 11:05ean | Apirilaren 22a, 10:55ean | Apirilaren 29a, 11:05ean |
|
|
|
Elkarlanean jarraitzeko asmoa
Aterpea elkarteko Ramon Ormazabal eta Ana Laureano kideek zein Hipodromoko kudeatzaile Josu Ruiz eta Ander Sueskun komunikazio arduradunek aurkeztu dute denboraldia eta Hipodromoa, Lasare-Oria eta bertako komertziak duen lotura azpimarratu dute guztiek.
Ormazabalek eskerrak eman dizkie Hipodromoko arduradunei beste urte batez udaberri sasoiko denboraldian Aterpeari presentzia emateagatik. Era berean, erakundearekin elkarlanean jarraitzeko asmoa agertu du eta horretarako Lasarte-Oriako Udalaren presentzia egotea beharrezko jo du Aterpeako kideak.
Hipodromoko ordezkariek Aterpea eta erakundearen arteko elkarlana 2022an hasi zela gogoratu dute, beraz, Lasarte-Oriako elkarteak babesten duen bosgarren denboraldia izango litzateke. Horri garrantzia eman dio Josu Ruiz Hipodromoko kudeatzaileak: "Elkarlana onuragarria izan da guztiontzat. Eta hau bai dela, zero kilometroko lana. Bertako dendariekin ospatu edo lan egin nahi dugu denboraldi honetan. Era honetara, bertakoaren aldeko apustua egin nahi dugu".
Komunikazio arduradun Ander Sueskunek aipatu du hiru jardunaldi hauetan aurreko urteetan babesle modura izan diren komertzio askok errepikatuko dutela, baina berririk ere badagoela jakitera eman du. Lasterketa kopuruarengatik Aterpeako bazkide guztiei lekua ematerik ez dutela adierazi du Sueskunek, baina eurentzat guztien ordezkaritza egotea pozgarria dela nabarmendu du.
Hori guztiaz gain, Udaran Aterpeak sari bat izango duela ere aurreratu dute Hipodromoko kideek. "Oraindik ezin dugu zehaztu zein egunetan izango den. Baina komunitatea egin behar dugu eta gertuko komertzioari aukera hau eman nahi diogu. Udako saioak presentzia eta ikusgarritasun gehiago izango du. Beste erakunde batzuk ere dagoen harreman eta loturaz jabetzea nahiko genuke. Hipodromoa Lasarte-Oriarik gabe ez ezer. Harreman estua izan da beti herriarekin eta etorkizunean ere mantentzea nahi dugu", aipatu du Sueskunek.
Hitz horien harira, Aterpeako elkartekide Laureanok batetik Hipodromoak eta Lasarte-Oriako herriak duten lotura berretsi du, "Lasarte-Oriarik gabe Hipodromorik ez litzateke egongo eta Hipodromorik gabe ez litzateke Lasarte-Oria egongo". Eta bestetik, Udako denboraldiko gonbita onartu du.