Errendimendu mailako bikotekako txapelketa amaitu da. Lehengo asteburuan kategoria ezberdinetako finalak izan ziren eta Infantil I. mailako Ekialde txapelketan Intza KEko Irai Jauregi eta Julen Sagastibeltza izan ziren lehian. Oiarpeko Apezetxea eta Egiguren bikotearen aurka neurtu zituzten indarrak. Laukoa kantxan ongi jardun arren, oiartzuarrak 18-10 gailendu ziren eta txapela eraman zuten.
Palan, ezin aurrera
Loidibarrengo pilotalekuan, aldiz, gomazko palako banakako final zortzirenetako lehia izan zen. Intzako Iker Artetxek Hernaniko Arandiaren aurka jokatu zuen. Neurketa borrokatua izan zen eta tanto politak ikusi ahal izan ziren. Tamalez, hernaniarraren aldeko izan zen emaitza (22-25) eta Aretxek ezin izan zuen txapelketan aurrera egin.