Eguzki Arkupe Rehabilitaciones-ek Makax Gorka Margoak izan zuen aurrez aurre Maialen Chourraut kiroldegian eta ez zuen huts egin 7-4 irabazi zuen.
Bi talde pareko zeuden aurrez aurre; presio altua egiten dutenak. Horregatik, etxeko taldearen helburua garbia zen, "aurkariaren lana ezeztu eta euren eraginez aurkarik egin zitzakeen hutsak ongi baliatzea". Eguzkiko kideek ongi bete zuten agindua eta ate aurrean ere asmatu zuten. Ondorioz, emaitza erosoarekin joan ziren atsedenaldira, 5-0.
Bigarren zatian, aurkaria partidan ez sartzeko xedea izan zuten hori-beltzek eta horretan ere fin ibili ziren. Jokoaren erritmoa mantendu eta Makaxekoek lau gol egin arren, ezin izan zioten markagailuari itzulia eman. Eguzkik, aldiz, aldea handitu zuen bi golei esker.
Entrenatzailea pozarren dago taldeak neurketan eta aurreko astean zehar egindako lanarekin eta puntuei esker, sailkapenean gora egin ahal izateagatik.
Gainerako emaitzak
Gainerako taldeei dagokionez, Erregional I. mailako Eguzki ISU Leihoak ederki borrokatu behar izan zuen Garaje Tolosa Teep Tolosala irabazteko; 3-4 izan zen emaitza. Gazte mailan, Eguzki Lekuona tailerra nagusi izan zen eta Irun Futsal 8-0 gainditu zuen. Kadete mailako Eguzki Escalerilla taberna, aldiz, 3-6 gailendu zen Laskorain Aren aurka.