.Zuri-urdinen lehen taldeak aurreko astean Antigua Luberrirekin hiruna berdindu ostean, garaipeneko puntuen bila atera zen Michelingo zelaian. Urkiren aurka etxeko taldea nagusi izan zen eta 3-0 gailendu zen.
Fase berrian Texasek hamabost jardunaldi jokatuko ditu eta lau onenen artean sailkatuz gero, Gorengo Mailara igoko litzateke.
Argazki galerian, Texas Lasarterra CF eta Urkiren arteko neurketako irudiak.
Kopa lehian
Atsobakarreko kirol gunean, aldiz, Ostadarrek Euskalduna B izan zuten aurrez aurre. Garaipenaren bidean jarraitzen du talde urdin-beltzak Astigarragako Mundarro 0-3 irabazi zuen lehen saioan eta bigarrenean 1-0 andoaindarrei.
Kopari dagokionez, zortziko lau talde egin dira; urdin-beltzak hirugarren multzoan daude. Bi itzuliko liga jokatuko dute eta azken fasera sailkatzeko lehen postua eskuratu behar du herriko taldeak.