II. mailako partida interesgarria izan zen lehenik. Ostadar eta Universidad de Navarra taldeek multzoko lehen postua zuten jokoan. Urdin-beltzak ederki jardun arren, nafarrek lortu zuten saria. 0-3 (21-26, 16-25 eta 21-25) irabazi zuten eta urdin-beltzetatik puntu batera jarri da Iruñeako taldea.
Jarraian, I. kategoriako partidan, Lekeitio Marierrota Boleibol Taldearen aurka lehiatu ziren Lasarte-Oriako ordezkariak.
Etxekoek lehen jokoa 25-8 irabazi ostean, bizkaitarrek euren balio erakutsi eta bigarren seta 14-25 eskuratu zuten. Ondorioz, aurkariek hirugarren zatiari gogotsu ekin zioten. Urdin-beltzek ongi egin zieten aurre, ordea eta 26-24 irabazi zuten. Azken minutuetan ere etxekoak gailendu ziren, 25-18.
Garaipenari esker, sailkapeneko lehen postuan mantentzen da lehen taldea eta lau puntuko aldea du.