Kadete Errendimenduko kideek garaipeneko puntuak eskuratu dituzte

Txintxarri Aldizkaria 2026ko urtarrilaren 28a

Ostadar Boleibola saileko Kadete Errendimendu taldeak Gipuzkoako Ligako hirugarren jardunaldia jokatu zuen hilaren 24an. Goierri A izan zuen aurkari urdin-beltzen ordezkariak Maialen Chourraut kiroldegian eta 3-0 gailendu zen

Markagailu orokorrak etxekoen nagusitasuna erakusten badu ere, lehen eta hirugarren jokoetan ederki borrokatu behar izan zuen taldeak garaipena eskuratzeko. Bietan 25-23 izan zen emaitza. Bigarrengoan bestelakoa izan zen emaitza, ordea; urdin-beltzak 25-9 gailendu ziren.

Garaipenari esker, bere multzoko sailkapen buru da kadete taldea Bera Bera Urdina taldearekin puntutan berdindua. Hurrengo hitzorduan, parekotasun hori puskatuko da Ostadar eta Donostiako taldea aurrez aurre izango baitira.

Gainerako taldeen emaitzak honakoak izan ziren:

Euskal Liga

I. maila
Navarvoley A 0 - 3 Ostadar SKT
17-25,13-25 eta 24-26
II. maila
Aidean 1 - 3 Ostadar SKT
22-25, 22-25, 25-18 eta 19-25

Gipuzkoako txapelketa

Jubenil maila
Usurbil 2 - 3 Ostadar SKT
25-16, 15-25, 21-25, 25-22 eta 10-15
Kadete Partaidetza
Ostadar SKT 1- 3 Fortuna
25-15, 26-28, 22-25 eta 23-25
Infantil Partaidetza
Ostadar SKT 2 - 3 Lizardi
15-25, 25-11, 9-25, 28-26 eta 13-15

Kirola