Hasietarik indartsu atera zen Iberians erasoan entsegua eginez. Aurkaria zigor kolpe baten ostean markagailuan gerturatzean, defentsan sendo egin zuen lan talde gorriak aurkariak metroak irabazi ez zitzan. Horri esker, aldea ireki zuen bi entsegu eta zigor kolpe batekin eta 18-3 joan ziren atsedenaldira.
Errenta handitu eta aurkariaren erasoak gelditzeko lan egin behar izan zuten gorriek, bigarren zatian. Gogor aritu ziren portugaldarrak eta ongi baliatu zituzten Iberianseko kaleratzeak markagailuan gora egiteko. Esate baterako, Saleta herritarrak txartel horia ikusi eta minutu batzuetan zelaia utzi behar izan zuen. Hala ere, neurketa galtzeko arriskurik ez zuen izan Espainiako ordezkariak eta jokoa amaitzean, Superkopa altxa zuen.