Jubenil mailako taldeak garaipena eskuratuz eman zion hasiera Gipuzkoako Txapelketari, Maialen Chourraut kiroldegian.
Donostiako Aldapeta B taldea izan zuen aurrez aurre. Urdin-beltzek partidaren erritmoa ezarri eta jokaldiak ongi antolatuz hasieratik markagailuan aurreratu ziren; 3-0 (25-15, 25-20 eta 25-22) irabazi zuten.
Euskal Ligako taldeek ere ez zuten huts egin; lehiaketako bigarren itzulian aldeko emaitza izan zuten euren hitzorduetan.
I. mailako taldea nagusi izan zen etxean;. Ongi jokatuz, Getxo Etorki 3-0 (25-18, 25-18 eta 25-22) garaitu zuen.
II. mailako ordezkariak ongi borrokatu behar izan zuten Navarro Villosladaren aurka garaipena erdiesteko. Urdin-beltzak lehen setean aurreratu (16-25) baziren ere, nafarrek ez zuten amore emango. Ongi borrokatuz, markagailua berdintzea lortu zuten bigarren jokoan (25-23) eta hirugarren zatian ere ederki lehiatu ziren bi taldeak; oraingoan Ostadarren aldeko izan zen (23-25). Azken bereganatu zuen (17-25).
Gainerako taldeak
Hiru talde hauetaz gain, hurrengo jardunaldian Kadete eta Infantil kategoriako taldeek Gipuzkoako lehiarekin bat egingo dute. Guztiek kanpoan hasiko dute lehia.
Zarautzen borrokatuko da Kadete Errendimendu taldea; Aidean Mitxelena ZKE A izango du aurkari. Maila bereko partaidetzako kideak, aldiz, Hondarribira bidaiatuko dira Harresi 3rekin indarrak neurtzeko.
Eta Infantil Partaidetza taldeak Irunen jokatuko du lehen neurketa Suge Trebeak 4ren aurka.