Atzo, urtarrilak 10, lasarteoriatarrek hitzordu berezia izan zuten, Manuel Lekuona kultur etxean, Jokin Goenaga Minerrek mende erdiko ibilbide musikala errepasatu baitzuen. Akordeoiaren bilakaera eta sonoritateak erakusteko helburuarekin, abesti herrikoi ezagunak eta bere konposizio propioak interpretatu zituen, bere bizitzan zehar lagun izan dituen doinuak gogora ekarriz. Ekitaldi hunkigarria izan zen, lagun eta senideen artean aritu zelako Goenaga.