1959an hasi zen bertsogintzan, 29 urterekin. Hurrengo urteetan hiru aldiz iritsi zen Gipuzkoako Bertsolari Txapelketako finalera eta Euskal Herriko batean ere aritu zen.
Plazaz plaza aritzeaz gain makina bat urtetan parte hartu du Lasarte-Oriako Earra! bertso eskolan, berak bere garaian egin bezala bertsogintzan murgiltzen ziren gazteei laguntzeko. Bere ibilbideari buruz 2009an idatzi zuen Xabier Lasak Patxi Etxeberria, 50 urtez plaza gizon liburua. Urte berean omenaldia egin zioten Lasarte-Orian.
Jendaurreko azken saioa 86 urterekin eman zuen, San Pedro Jaietako bertso saioan. Hunkituta agurtu zituen ikus-entzuleak, guk modu berean gaur berari adio esan diogun bezalaxe. Eskerrik asko eta beti arte, Patxi.
