Uste hori berresteko adibide ugari zerrendatu dituzte: ordutegiak murriztuko dituztela osasun zentro gehienetan, baita zenbait egunetan itxi ere; badaudela medikurik gabeko anbulategiak eta EAG Etengabeko Arreta Guneak; langile falta eta horrek eragiten dituen gainkarga, arreta denboren laburtzea edota prebentzioko zein osasun komunitarioko jarduna mugatzea; itxaron zerrendak ugaritzea; eta neurri horiek guztiak ez direla puntualak, "egiturazkoak" baizik, "urtean bost hilabetez" gertatzen direlako. Horrez gain, "mesede" egiten diete klinika eta aseguru pribatuei.
"Ezin dugu normalizatu esparru publikoaren narriadura planifikatua", gehitu dute LOOPAko kideek. Lehen Mailako Arretak baliabide ekonomiko eta sozialak behar dituela azpimarratu dute, "urte osoan zehar funtzionatuko duela eta bermatzeko eta kalitatezko zerbitzua eskaintzeko". Amaitzeko, "denona den osasuna" defendatzeko aldarria egin dute.