Jokoa eta omenaldia, Bola Joko egunean

Txintxarri Aldizkaria 2025eko abenduaren 10a
Deskargatu Info Ahotsak :
Español English Français Català Galego

Berrogei bat bola jokalari bildu ziren Michelin kirol guneko bolatokian. Arg.: J. Montes.

Urtarrilean liga hasteko irrikan daude bola joko eta tokako zaletuak, bien bitartean hilaren 8an Bola Joko eguna ospatu zuten, Lasarte-Orian. Ostadar elkarteak eta Gipuzkoako Bola eta Toka Federazioak antolatutako ekimenean, Michelin kirol guneko bolatokian bildu ziren berrogei bat jokalari eta bola joko zein toka lehiaketak lehiatu zituzten

Lehia estua izan zen bola jokoan eta lehen lau postuak erabakitzeko berriro bota behar izan zuten; lehenik, Iosu Lasa eta Ibon Minerrek eta bestetik, Ander Miner eta Mikel Arroiok.

Sailkapena honakoa izan zen:

Bola jokoa
  1. Iosu Lasa 44 birla.
  2. Ibon Miner 44 birla.
  3. Mikel Arroio 42 birla.

Lehen emakumezkoa: 
Nekane Etxeberria 37 birla
Toka
  1. Antonio Amundarain 13 kolpe
  2. Jose Antonio Calvo 12 kolpe
  3. Prudentzio Olano 12 kolpe


Emakumezkoen maila: 
Martxeli Kanflanka, Rosa Santos eta Nekane Etxeberria
3 kolpe

Bolatokian ez ezik, mahai inguruan ere batu ziren bapo bazkaldu eta besteak beste, Ostadar taldeko Iosu Lasa eta Josean Montesi omenalditxo txiki bat egiteko.

Gipuzkoako Bola eta Toka Federazioak oroigarri bana eman zien Ostadarreko Iosu Lasa eta Josean Montesi. Arg.: J. Montes.

Kirola