Txekiako Bohemian Warriors izan zuen aurrez aurre Espainiako ordezkariak eta atsedenaldirako erabakia zuen norgehiagoka; 47-3 zen markagailua. Bigarren zatia borrokatuagoa izan zen eta entsegu bakarra egin zuen etxeko taldeak. Beraz, 52-3 irabazi zuten Alex Saleta eta bere kideek.
Castilla y Leon Iberians taldeak jardunaldi guztietan garaipena erdietsi du eta hilaren 13an, aurkari interesgarria izango du, Lusitanos; portugaldarrek ere ez dute partidarik galdu. Lisboan jokatuko dute partida eta multzoko lehen postua egongo da jokoan; bi taldeak txapelketarako finalerdietarako sailkatua dira dagoeneko.
Atsobakarren lehiak
Hilaren 14ko asteburuan berriro ere jardunaldia izango dute herriko taldeko ordezkariek eta Atsobakar kirol gunean errugbiaz gozatzeko hitzordu bikoitza izango da. Hilaren 13an, Euskal Ligako I. mailako jokatuko da eta egun bat geroago, 12 eta 10 urtez azpiko gaztetxoen topaketa izango da.
Horrez gain, Getxoren aurka lehiatuko dira beltzak hiru maila ezberdinetan; Ohorezko B maila, 18 urtez azpikoan eta 16 urtez azpikoan.